Restawrowanje

Restawrowanje woznamjenja originalnosć

Wězo je móžno, někajki mebl z něhdźe někajkim lakom pomazać. Jeli pak dyrbi so po tym kamor, blido abo sideboard wotšmirglować, ćerpitej material a hódnota wudźěłka – a originalnosć njeje hižo zaručena.
Wjenkec blidarnja ma jasny narok: Dźěłamy originarnje a tak, zo so hódnota zdźerži. Přirodne materialije a maćizny njedopomhaja Wašim lubuškam jenož k nowemu błyšćej, ale zachowaja zdobom jich historisku, často dosć njesměrnu hódnotu.
Njedźěłamy jenož z Wami, ale wosebje z tym, štož nam dowěrjeće. Wšojedne, hač jedna so wo z ruku kowane wobbića, wo z pomocu fotografijow rešeršowane originalne stawy, trajne lěpki abo barby: My skićimy Wam know-how z wjace hač 80 lět nazhonjenjow we wobłuku meblow a restawrowanja při nutřkownym wutwarje. Čas, sćerpnosć a fachowa wěda su stołpy, kotrež zaručeja originalne wudźěłki a kotrež su nam najwažniše.

Restawrowanje meblow

Wjenkec blidarnja poskićuje restawrowanja po wšěch wašnjach a stilach. Załožerski čas, barok, młodźinski stil abo 30te lěta: Wšojedne, z kotreje doby Waš najlubši kus pochadźa – my jón za Was fachowsce zrestawrujemy.

um 1900 entstandene Wandverkleidung mit orientalischen Motiven in Schellack

Restawrowanje nutřkownych rumnosćow

Tute wupaženje pyšeše něhdy čakarnju dostojneje lěkarskeje praksy a wobsteješe z tójšto dźělow. Orientaliske motiwy w šelaku, kotrež nastachu něhdźe wokoło 1900, pyša nětko jědźernju bydlenskeho doma.

Durje

Durje su najwobšěrniše dźěłowe polo rjemjeslnika. W kóždym domje je tójšto duri, kotrychž wobnowjenje je wo wjele wjace hač proste wobarbjenje. Restawrowany wudźěłk ma zwjetša wyšu kwalitu hač nowy kupjeny. Z tym njewobeńdźeš jenož financielnu mizeru, ale duch zašłosće njese so z česću a česćownosću do moderny.

Wokna

Fachowc na prěni pohlad spóznaje, zo so restawrowanje woknow wupłaći. Dźensniši dźeń so wokna bytostnje přez regulowanje temperatury zbytneho twarjenja a jeho materialijow wobwliwuja. Tu hodźi so konfliktej mjezy wuměnjenjom a restawrowanjom z pomocu fachowskeho pruwowanja zadźěwać.

Klawěry

Klawěry maja jónkrótne kuzło. W kooperaciji z twarcami hudźbnych nastrojow a hłosowarjemi klawěrow, dawa so Wjenkec blidarnja do symbiozy, kotraž zmóžnja wšo, štož sej wone nadobne instrumenty zasłuža. Drjewo, metal a pjelsć zjednoćeja so přez jónkrótnu kombinaciju techniki a rjemjesła.

Smy Waš zajim zbudźili?

Maće nadawk za blidarja?
Dajće sej poskitk zestajić!

so naprašeć